![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Game of Thrones (títol orichinal en anglés, en aragonés Chuego de cadieras reyals) ye una serie de televisión estadounidense creyada por David Benioff y D. B. Weiss pa HBO.
Game of Thrones ye una adaptación de Canción de chelo y fuego, una serie de novelas de fantesía de George R. R. Martin, a primera d'as cuals ye Chuego de tronos. A serie se rodó en o Reino Uniu, Canadá, Croacia, Islandia, Malta, Marruecos y Espanya. S'engueró en HBO en Estaus Unius o 17 d'abril de 2011 y concluyó o 19 de mayo de 2019, con 73 episodios transmitius en ueito temporadas.
Ambientada en os continentes ficticios de Westeros y Essos, Game of Thrones tien un gran elenco y sigue cuantos arcos d'a historia a lo largo d'a serie. Un arco important se refiere a la Cadiera de Fierro d'os Siet Reinos de Westeros y sigue un ret d'alianzas y conflictos entre as dinastías nobles, ya sía competindo por reclamar a cadiera u luitando por a suya independencia. Unatro se centra en o zaguer descendent d'a dinastía gobernaire depuesta d'o reino, que ha estau exiliau a Essos y ye tramenando un torno a la cadiera. Un tercer arco d'a historia sigue a la Guardia d'a Nueit, una orden militar que esfiende o reino contra as menazas d'o Norte.
Game of Thrones atrayió una audiencia récord en HBO y tien una base de fans amplia, activa y internacional. Os criticos han aponderau a serie por a suya actuación, personaches complexos, historia, alcanz y valors de producción, encara que o suyo emplego frecuent d'espullatos y violencia (incluida a violencia sexual) ha estau obchecto de criticas. A temporada final recibió una reacción critica significativa por a suya duración reducida y decisions creativas, y muitos la consideroron una conclusión decepcionant. A serie recibió 59 premios Primetime Emmy, a mayor cantidat por una serie dramatica, incluida a serie dramatica excelent en 2015, 2016, 2018 y 2019. Os suyos atros premios y nominacions incluyen tres premios Hugo a la millor presentación dramatica, un premio Peabody y cinco nominacions a o Globo d'Oro a la Millor Serie de Televisión - Drama. Numerosos criticos y publicacions han nombrau a o programa como que una d'as millors series de televisión de toz os tiempos. Asinas, en 2011 fue nombrada por a revista Time como uno d'os mas grans programas de televisión d'a historia.
© MMXXIII Rich X Search. We shall prevail. All rights reserved. Rich X Search